Suring Pampelikula

Rebyu

Suring pampelikula

pagpag

siyam na buhay

                                “Dapat nagpagpag ka ! Baka masundan ka ng patay dito”. Kadalasang linya ng mga matatanda dahil sa paniniwala nila sa mga pamahiin. Karamihan sa mga pamahiin ay patungkol sa mga pumanaw nang mga nilalang. Naniniwalang bawal suwayin ang mga sumusunod : Ilan na lamang sa mga ito ay bawal magsalamin habang nasa burol, Bawal mag-uwi ng pagkaing mula sa burol, Bawal patakan ng luha ang kabaong ng namatay, bawal kumuha ng pera mula sa mga nag-abuloy sa patay.  Mula sa panulat at direksiyon ni Frasco S. Mortiz, Muli niyang binuhay ang aking imahinasyon sa mga bagay na ito. Nakasuot ng pulang damit si Empress sa kanyang pagpunta sa burol ng kanyang pumanaw na boyfriend na si Enchong. Sumiklab ang galit ng mga magulang ni Enchong sa kanyang pagdalaw dahil sa paniniwalang siya ang dahilan ng pagkamatay ng kanilang kaisa-isang anak. Napansin din nila ang kasuotan nitong pulang damit na ikinagalit pa nila ng husto. Bawal magsuot ng kulay pula habang ikaw ay nagluluksa pa kung kaya’t  siya’y pinalayas mula sa burol. Sa kanyang pag-uwi, may naramdaman siyang kakaiba na tila siya ay may kasama kahit wala naman. Hindi niya alam ay nasundan na pala siya ng kanyang pumanaw na Boyfriend dahil hindi siya nagpagpag. Nakita niya na lamang ang boyfriend niya na nagpatiwakal na iyon pala ang dahilan ng pagkamatay nito. Kailangan mo munang pumunta sa ibang lugar upang hindi ka masundan ng patay. Ito ang pagpag. Maganda ang nakakasindak na mga pangyayari sa palabas na ito. Lubos pang tumaas ang mga nakasisindak na bahagi sa pagpasok ng mga karakter nina :  Leny (Kathryn Bernardo)- Katulong ng kanyang Tsong sa pagpapatakbo ng kanilang negosyo, Funeral Service. Kung saan sila ng kanyang Tsong ang nageembalsamo, magmamake-up ng patay at sila na din ang bahala sa pagseset-up ng mga kagamitan para sa burol. Naging mas kapanapanabik ang pelikula sa pagpasok ni Cedrick (Daniel Padilla) at ang kanyang mga kaibigang sina Hannah (Michelle Vito) Ashley (Miles Ocampo) Justin (CJ Navato) at Rico (Dominic Roque). Sila ang mga sumuway sa mga pamahiin sa kanilang aksidenteng pagdalaw sa burol ng asawa ni Lucy (Shaina Magdayao)  na si Roman (Paulo Avelino). Hindi sila pamilyar sa mga pamahiin ng mga nakatatanda . Lubos na nagalit si Eva (Matet De Leon) ang nakatatandang kapatid ni Shaina dahil napakaraming sinuway ng magkakaibigang ito. Ang mga ginawa nila ay siya ring dahilan ng pakamatay nila dahil sa kanilang pag-uwi ay nasundan sila ng patay. Si Leny at Cedrick ang nakalutas ng misteryo sa likod ng kababalaghang nagyayaring ito dahil ang asawa ni Shaina ay hindi pa rin natatahimik ang kaluluwa hangga’t hindi pa siya nakakapatay ng siyam na tao. Lubos kong naintindihan ang daloy ng pelikulang ito. Base rin kasi sa mga ibang mga horror films, minsan hindi ko naiintindihan ang daloy nito. Ngunit maayos ang mensahe ng Pagpag. Nais nitong ipabatid sa mga manonood na masamang magmahal ng labis. Gaya ni Roman at Lucy, Lubos ang kanilang pagmamahalan. Kung kaya’t  nagawa pa nilang kumitil ng maraming buhay at makipagugnayan sa mga itim na elemento upang mabuhay pa rin si Roman. Natuklasang anak pala nila si MacMac (Clarence Delgado) na inaakalang patay na sa sunog ngunit nakuha ng mga magulang ni Leny si Macmac at inalagaan. Sa huli, nanaig pa din ang katotohanan na hindi na maaring maibalik ang buhay ni Roman at dapat manahimik na ang kanyang kaluluwa. Kung  Sinematograpiya ang bibigyan ng pansin, maganda rin ang mga lugar na kanilang ginamit para sa pelikula na siyang nagdagdag ng nakakatakot na mga pangyayari na sinabayan pa ng mga nakasisindak na musika. Nanaig ang pag-big at paniniwala sa pagtanggap kung may nawala mang tao sa ating buhay, dapat natin itong tanggapin at dapat manaig pa din sa atin ang pang-unawa, pag-ibig at pag-asa.

Suring Basa

 Suring Basa

Rebyu

Love mo siya, Sure ka ba ?

                 

               “Yung pag bibili ka sa canteen, mukha niya sa pinggan ang nakikita mo”. Isa sa mga pamosong linya ng aking aklat na nabasa mula sa malikhaing imahinasyon ni Ronald Molmisa. Isang Head Pastor ng Generation 3:16 Ministries, isang organisasyong ang pokus ay sa mga kabataan. Lubos niyang pinag-aralan ang mga katangian ng mga kabataan pagdating sa pag-aaral, pamilya at lalong lalo na sa pag-ibig.  Pumatok ang kanyang unang aklat na Lovestruck Singles Edition. Kung kaya’t tumaas ang pagkagusto ng mga kabataang magrelease pa siya ng isang aklat kung saan ang binibigyang pansin ay ang mga kabataang nasa relasyon na, yung mga gustong maglevel up yung Frienship nila, at yung mga kabataang laging linya ay – Kendisbilab ? at Siya na ba talaga ang da one? Ngunit, binasag ni Ronald Molmisa ang trip ng mga kabataang ito sa pagbato ng kanyang bagong edisyong Lovestruck ka? Love mo siya, Sure ka ba ? Bidang bida sa kanyang aklat ang lubos nilang pagmamahalan ng kanyang asawang si Gigi mula noong sila’y  nagliligawan pa lamang. Ito ang kanyang  inihalimbawa sa isang relasyong may basbas ng mga magulang hindi gaya ng mga kabataang pumasok sa relasyong hindi pa nga alam kadalasan ng kanilang mga magulang ang mga pinagagagawa nila. Malinaw niyang nailarawan ang iba’t-ibang uri ng mga kabataang nasa isang relasyon. Yung iba, tipong sa kanto lang ihahatid dahil sa isang batalyong kamag-anak ang nahihintay sa covered court kapag nakitang may boyfriend ang kanilang anak. Yung iba naman mga relasyong hindi naman nagtatagal dahil sa iba’t-ibang factors na madaling magsawa ang mga kabataan. Ngunit mas ipinadama niya sa kanyang aklat kung gaano tayo kamahal ng Panginoon at bilang kabataan, Mas dapat ilapit natin ang ating mga  sarili sa kanya dahil mas Sure yung pagmamahal niya sa atin. Inilahad ni Ronald Molmisa ang tamang  pakikipagrelasyon ng mga kabataan. Ang paghihintay sa tamang panahon ay isa sa mga sangkap nito. Tampok ang maigsing bahagi ng kanyang akda ang love story nina Rachel and Jacob. Si Leah ay nakatatandang kapatid ni Rachel. Nakatakdang ikasal si Jacob kay Leah ngunit hindi niya naman ito mahal. Ngunit sa paniniwala sa matandang tipan sa bibliya, mas unang dapat mag-asawa ang panganay na babae. Ngunit dahil sa pagmamahal ni Jacob kay Rachel, nag-antay siya ng labing apat na taon  upang makuha niya na ang kamay ni Rachel. At nangyari nga ang the best wedding ever  ng lovestory nila. : Kaya mo bang maghintay ng ganun katagal para sa taong mahal mo?” Mahusay na nailahad ng may akda ang kanyang mga aral na nais niyang ipabatid sa bawat kabataang babasa nito. At higit sa lahat, Kung gaano kalaki ang Pagmamahal ng Diyos para sa bawat kabataan dahil si Lord ang FIRST AND ENLESS LOVE. Pag si Lord ang karelasyon mo, YOU HAVE THE GREATEST LOVE AFFAIR <3