Youth Unlimited sa Star City :)

Disyembre 27, 2013
 Ito ang pinakahiintay naming araw. Ang pagpunta namin sa Star City ay matagal na naming pinagplanuhan ng mga Youth leders. Enero palang ay nagmeeting na kami kung ano ang maaring regalo namin sa Pasko sa mga kabataang magpapatuloy sa pagpapagamit sa Diyos hanggang sa dulo ng taon. At sa wakas ! Eto na ang regalo namin sa kanila. Libre ang kanilang entrance fee na Ride all you can at ang sagot na lamang nila ay pamasahe. Ang pagkain ay ang church na ang magbabayad. Nakakatuwang makita na ang mga kabataang kasama ko ngayon ay patuloy parin ang paglilingkod sa Panginoon. At matapos ang lahat -- Tanggapin nyo ang inyong regalo <3 alas onse ay inaasahang magkikita kita kami sa may bungad ng subdivision upang sabay sabay kaming umalis.  Matagal din ang biyahe dahil traffic ngayon. Mabuti na lamang ay ligtas kami doong nakarating at lahat ay masayang masaya. Pinagkkwentuhan palang namin ang mga rides na aming sasakyan ay tawa na kami ng tawa at kinakabahan na din. Nais kong subukan ang mga extreme rides dahil sa aking palagay ay kaya ko naman. Sobrang excited ako na sumakay. Ngunit sabi ni ate Sheila, Youth leader namin, mamaya nalang daw ang mga Extreme rides pag gabi na kasi mas maganda daw sa labas pag gabi kaya mga indoor rides muna kami.

 Una naming sinakyan ang Blizzard. Grabe walang thrill. Haha ang yabang ko noh? Pero sa totoo lang hindi ako mahilig sa rides pero hindi rin naman ako malululain at hindi rin ako madalas mahilo kaya Go na go ako sa mga rides :) Nakakatawa tong mga kasama ko umiyak pa ng bonggang bongga ! Haha

Sumunod naman ang Viking. In fairness, ramdam kong ligtas toh kaysa sa Viking sa Marikina na tila kinakalawang na. Haha :)

Sumakay din kami sa Magic Forest kung saan nakakita kami ng mga elf, si pegaus, Mga fairy at iba pang magical na bagay.






Pinasok din namin ang tila kwebang lugar ng mga pirata. Nakakatuwa dahil ang ganda sa loob nito. Dito makikita ang buhay ng mga pirata noon. Medyo nakakatakot din ang effects, Nakakita kami ng treasure box at mga gamit nila sa paglalayag.

Tila hindi kami nakaramdam ng gutom hane ? Kakasakay namin ng mga rides eh nakalimutan na naming kumain. Alas singko ay lumabas kaming lahat upang pumunta sa KFC at doon ay kumain na din ng hapunan. 

Kami ay bumalik upang subukan naman namin ang mga rides sa labas. Ilan na lamang dito ay mga pampamilyang rides din kung saan marami ang makakasakay. Gaya ng Giant star wheel o Ferriswheel, Surf dance, Jungle splash. Star Flyer, at ang pinakamatindi sa lahat ang Star Frisbee kung saan lahat ng dasal ay babanggitin mo . hahaha dahil sa sobrang extreme nito. Natawa pa nga ako dahil maiiwan talaga ang kaluluwa mo sa taas. Pwede mo na ngang pitasin ang dahon ng mga puno dahil maabot mo na talaga sa sobrang taas. Sa lahat ng rides na sinakyan ko, ito ang pinakaExtreme para sa akin. Matapos naming masakyan ang mga ride ay napansin naming malapit na palang magsara ang Star city dahil magaalas dose na kung kaya ay bumili na kami ng mga souvenir para makauwui na din kami. Isang nakakapagod na araw ngunit masaya. ang sakit ng paa ko kakalakad paroo't parito. Mabuti na lamang ay hindi na traffic at ligtas kaming nakauwi. Napagdesisyunan ko din na sa Church nalang din matulog dahil gabi na rin. Doon na rin kami nagpalipas ng gabi.

Si Erin sa Montalban :D

Disyembre 26, 2013

 Dito muna ako sa bahay ng tito ko ngayon. Wala kasing ksama ang pinsan kong si Ara. Maedyo napuyat kami kagabi dahil anong oras na din kami nakauwi kahapon at pagod pa. Kaya ala una na ng tanghali kami nagising. Sabay na din ang almusal at tanghalian namin. Haha :) Nanuod kami ng aking pinsan ng mga programa sa telabisyon at sinabi sa akin ni tito na ihahatid nya na rin daw ako kasi bukas ay pupunta kami ng Star City ng mga kasama ko sa simbahan. Alas singko ay umalis na din kami ni tito. At eto na naman ang pinsan kong nalulungkot dahil aalis na daw ako. Haha. Parang hindi naman kami magkikita noh ? Medyo traffic ngayon at siksikan din ang mga tao kaya mahirap sumakay. Mabuti na lang ay ligtas akong nakauwi sa amin. Sa may bungad ng subdivision, Nakikita ko nagmemeeting na pala ang aming mga Youth leaders para sa gagawin namin bukas. Ang saya dahil libre na kami ng entrance fee sa Star City :) Blessing yun ha . Php 420.00 na din yun at Ride all you can pa ! Excited na ang bawat isa para sa pagpunta namin dun bukas. Pagkatapos niyon ay nakarating na ako sa aming bahay . Namiss koooo yung tuta namin. Haha. :) At nagpahinga na din ako dahil nakakapagod ang araw na ito.

Pagpag Siyam na buhay

Disyembre 25, 2013

Pagpag Siyam na Buhay

 Ngayon ay Pasko na ! Ang aking mga kapatid ay maagang gumayak upang mamasko at manghingi ng aginaldo sa kanilang mga ninang. Kami ay pupunta ngayon sa Montlbanm . Isasama ako ng aking tito sa Montalban. Ngunit bago iyon ay napunta muna kami ng Cubao. Sa Gateway Mall ay nanuod kami ng Pagpag Siyam na buhay. Ito ay isa sa mga MMFF entry nila Kathryn Bernardo at Daniel Padilla. Sila ay isa sa mga paborito kong tambalan sa telebisyon. Nakakatuawa dahil ang ganda ng kinalabasan ng palabas. Nakatakot, na Nakakakilkig at nakakatawa. Pwede rin pala ang KathNiel sumabak sa Horror. Dahil nagampanan nila ng maayos at maganda ang kanilang role. Humanga din ako kina Clarence Delgado, Paulo Avelino at Shaina Magdayao dahil sa galing nila sa pag-arte. Isang magandang bonding ng pamilya ay ang panonood ng pelikula ng sama-sama.

Noche Buena na !

Disyembre 24, 2013
 Ang bilis nga naman ng panahon at disperas na pala ng Pasko. Maagang gumising ang aming pamilya upang paghandaan ang gaganaping salu-salo mamaya. Darating ang aking tito, tita at pinsan mamaya kung kaya inihanda na rin namin ang mga gagamitin nila. Napagdesisyunan namin na sa aming likod-bahy gagnapin ang aming salu-salo.

Kinagabihan ay dumating na ang aking tito at tita . Si Mama ay naghanda ng Caldereta at si tito naman ay may dalang barbeque at may Isda pa. Kami ay masayang nagsalu-salo at nagbukasan ng mga regalo. Nakakatuwa dahil binigyan ni Daddy si Mama ng kwintas. Aba ! Mayaman :) hahah . Feeling bagets ang peg ng dalawa, Hayaan na natin at Pasko naman. Ang tangi ko lamang panalangin para sa king pamilya ay nawa lagi kaming ligtas at masaya. Ayun lamang po at Maligayang Paskooooooooo !

Nakakaloka pala ang maging ninang !

Disyembre 23, 2013

 Noche buena na pala kinabukasan kaya kailangan na naming mamili ng mga kakailanganin namin bukas dahil dadating din ang aking tito, tita at pinsan . Kaloka ! Wala pa yung tawag nung lola ko. Kasi, balak na sana naming kunin yung padala. Mabuti na lamang at tumawag na si lola kaya nakapamili na kami. Naloloka ko dahil lima na ang aking inaanak . Mas madami pa kaysa sa mga inaanak ng mama ko. HAHA. Binilhan ko na sila ng mga regalo at take note : GALING Din SA BULSA NI INAY ANG IPINAMBILI. Kahiya kiya :3 Ahaa.. Mahaba habang lakaran din ang aming sinuong at si mahulugang karayom ang dami ng taong namimila :) Mabuti na lamang at ligtas kaming nakauwi.

Birthday ni Daddy/ Christmas party sa Church/ Dedication/ Pagbibigay ng mga sertipiko

Disyembre 22, 2013

 Isang mapagpalang araw ! Napakaraming mga pangyayari sa araw na ito. Nagpapasalamat ako dahil sa panibagong taon na naman na ibinigay ng Diyos para sa aking stepfather. Bagamat hiundi kami maghkadugo at nagkakaunawaan kung minasan, ay itinututing niya naman ankong anak. (Minsan) haha :D Salamat Daddy ! Masaya din ako natumatayo siya bilang ama ko.

Ngayon ay christmas party ng aming simbahan. Masaya ang lahat at bitbit bitbit ang kani-kanilang mga regalo't mga pagkaing pagsasaluhan.Bukod pa dito ay masaya din ang lahat dahil may mga inihandang mga palaro't regalo ang aming mga missionary. Masayang umuwi ang bawat miyembro ng aming simbahan.

Kasabay din ng aming christmas party ang dedication kay Baby Renz. Siya anak ng aming mag-asawang miyambre sa simbahan. At ako ay napili bilang ninang ni Baby Renz.

Ibinigay na din ang mga sertipiko ng mga nabautismuhan noong nakaraang Nobyembre sa Green Park, Cainta Rizal. Nakakataba sa puso na makita nag mga kabaataang ito na nakikita ko silang nagpapagamit sa Panginoon. Lagi naming panalangin ng mag Leaders sa kanila na anwa ay huwag silang tutulad sa ibang mga kabataan na napapariwara ang buhay at maging isang kabataan na magsisimula ng pagbabago.

Nakakamiss pala sila

Disyembre 21, 2013

 Matapos ang Christmas party ng mga bata noong nakaraang Sabado, wala munang Ministry sa mga bata ngayon. Nakakamiss din pala sila. Parang kulang ang isang buong Linggo kapag di ako nakapagturom sa mga bata. Pero Ok lang din dahil pahinga ng aming mga estudyante. Naalala ko may ensyao pala kami ng Praise and Worship para sa Linggo. Ang aming Pastor ang namuno sa amin . Nagkaroon muna kamin ng saglit na palanginan at Devotion. Ngayon ay narealize ko ang kahalagahan ng Worship. May librong ipinakita ang aming Pastor sa amin . Ang pamagat ay "Worship". Napakagandang basahin ng aklat na ito ni John McArthur. Pagkatapos niyon ay nagensayo na kami. Kulang kami ngayon dahil wala ang aming drummer. Pero ang mahalaga ay huwag tignan kung ano ang kulang kundi kung sino ang nandiyan. Nakakatuwa dahil muling bumalik ang sigla ng Music team dahil naunawaan namin ang kahalagahan ng pagsamba sa Panginoon. Parang nagkaroon ng revival ang bawat isa. :)

HALA ... Post post din pag may time.

Disyembre 20, 2013

    General Cleaning


Sa tagal ko ng hindi nagpost, mabuti naman at naisulat ko ang mga ginawa ko para sa araw na ito. Haha. Natutuwa ako sa ka-Unlihang taglay ng aking stepdad. Isang linggo na niyang sinasabi sa aking mag general cleaning kami. Ngunit dahil abala ako sa paaralan, ngayon ko na lamang siya natulungan. Mukhang Haunted house nadin pala ang aming bahay. Tumambad sa akin ang mga nagbobonggahang mga alikabok,
masasayang ipis, mga kumakaway na gagamba, mga malapit ng maging mansyon na bahay ng gagamba at marami pang kapahamakan. HAHAHA. Nakakatuwa dahil sa aking palagay ay natanggal naman namin ang mga nagbobonggahang kalat sa bahay bago mag Pasko :)

Maligayang Pasko III-DIAMOND :)

Disyembre 19, 2013
 Isang nakakaExcite na araw na may halong lungkot din. Maaga akong gumising dahil Christmas Party namin ngayon. Salamat Lord dahil may blessings ako. Salamat sa damit. Kasi hindi naman lahat ng estudyante ay may bagong isususot diba? :) Sa aga kong nagising at Officer pa man din ako, as Usual, Late padin. MC nanaman ako? Pambihira. mabuti nalang hindi sila nagasasawa sa pagmumuhkha ko. Haha :) Sinimulan namin ang aming programa sa isang panalangin na pinangunahan ni Jahaziel. At nagbigay naman ng kanilang speech ang aming President at ang aming Adviser na hanggang sa Party ba naman ay may Paper Works padin? Hehe. Marami kaming mga palarong inihanda. Ilan na lamang dito ang Calamansi na nasa Noo Relay, Ang walang kamatanyang Apple eating contest, Face dance, Stop dance, Harina, Cookies, at Marami pang iba. Masaya ang aming pagsasalu-salo ng aming mga munting dalang handa. Ang DECEMBER 19, 2013 ay hindi na babalik. Kung bumalik man, 2014 na. Kaya sinabi ko sa mga kamag-aral ko na mag-enjoy sila sa araw na ito. Salamat Lord dahil nakikita kong masaya silang lahat. Ayun. Natapos na ang party. Nakalulungkot dahil bakasyon na. Mamimiss ko ang aking mga Bestfriends :( Pero ok lang. Mga dalawang linggo lang naman kaming hindi magkikita. Isasama ko sila sa aking mga panalangin na maging masaya at ligtas ang kanilang mga Pasko at Bagong taon kasama ang kanilang pamilya at mga Mahal sa Buhay. :)

Awit ! LaLaLa

Disyembre 18, 2013
 Ngayon ay umawit ang ilan sa aking mga kamag-aral. Karagdagan itong puntos sa aming ginawa kahapon. Nanood ang aming Adviser na si Mrs. Mary Ann. :) Pagkatapos naming magtanghal ay sinabi na ni Gng. Mixto ang resulta ng aming ginawa kahapon. Nakakatuwa dahil mataas ang nakuha na marka ng aming Pangkat. :)

May mga itinatagong talento din naman pala ang mga kaklase kong toh :P

Disyembre 17, 2013
 Isang nakakatamad na araw . Sorry Lord . Haha :) Eh pano ba naman kase , Sabik na ako sa Christmas Vacation. Pero joke lang yun. :D Naiinis ako sa sarili ko dahil parang lutang ako ngayong araw. Di ko mawari kung bakit. Ngayong araw ko lang din nabalitaan na ngayon na pala kami magppresent sa Filipino. Emeygeeed ! Hindi ako handa . Erin, iProject mo lang yan ! Aura . Aura . Haha :) At ayun nga . Mabuti naman at maganda ang kinalabasan ng saglit naming pag-eensayo. Masaya ako dahil damang dama na ang kapaskuhan sa aming silid. Kagulat gulat rin dahil may baon pang tagahusga si Gng. Mixto para sa aming presentasyon. Haha :) Mabuti na lamang at magagaling lahat ng nagpresent. Salamat Lord . Ang hirap pala magkakita ng Grade . Kailangan buwis buhay ng bonggang bongga. Yun lang :) Ang daldal ko na ..

Maligayang pagdating sa Antipolo City Jail

Disyembre 16, 2013
 Ngayong araw na ito, excuse kami. Kasama ko ang iba kong mga kamag-aral na magpapakita ng presentasyon para sa pagbisita namin sa City Jail sa Antipolo. Magkahalong kaba at galak ang nararamdaman ko ngayon. hindi ko alam kung bakit. Hahaha :D Ako ay MC sa aming programa para sa araw na ito. Nakakatuwa dahil mainit ang pagsalubog sa amin ng mga preso sa Antipolo City jail. Katulong ko sa pag Mmc si Kuya Arcie, isa din sa mga inmate dito. Natuwa ako sa mensaheng ibinigay niya na halos mangiyak ngiyak na ang kanyang mga mata. Sabi niya na ang kulungang iyon ay dating kinatatakutan ng mga tao. Laging magulo, hindi maganda ang pamamalakad sa kulungang iyon. Ngunit batay narin sa aking napansin, malaking pagbabago na ang nangyari dito . Nakikita ko sa mga Preso ang kapayapaan at maayos ang sistema ng pamamalakad dito. Sa aming mga munting tulong sa mga preso ay malaking mg ngiti ang aming nakita sa kanila. Nagkaroon daw sila ng Pag-asa ng dumating kami at halos maging emosyonal pa ang iba. Nagpakita din ang mga talentadong mga inmates ng kanilang mga natatanging bilang at nakatutuwa silang panoorin Nagbigay ng pangwakas na pananalita ang aming punongguro at siya rin ay naghandog ng isang awitin at siya at siya ay gumamit pa ng gitara. Nabigyan din kami ng pagkakataon na makipagusao sa mga inmate at magtanong sa kanilang buhay. Nakakatuwa dahil sila ay masayang nagbabahagi ng kanilang mga naranasan. Sa likod ng mga rehas na iyon ay ang lungkot na kanilang nararamdaman dahil hindi na sila dinadalaw ng kanilang mga mahal sa buhay. Kasama ko si Arquel sa pag-iinterview sa mga inmate at pinayuhan nila kami na huwag kaming tutulad sa kanila. Marami akong narealize ngayong araw na ito. Na maigsi lang ang buhay. Hindi lahat permanente. Kaya gugulin natin ang ating panahon sa paggawa ng mabuti at sa pagtulong sa ating kapwa. Lahat ng mga guro at magaaral na aming kasama ay masayang umuwi at may iba't ibang kwento ng mga karanasan para sa araw na ito . ;)

Maging mapagpasalamat sa Lahat ng bagay :)

Disyembre 15, 2013
 Linggo na naman :) Para sa akin ay isang espesyal na araw. Sinimulan ko ang aking araw sa isang panalangin dahil ito ay mahalaga. Pumunta na ako sa simbahan at nagturo sa mga bata :) Pagkatapos niyon ay nagkaroon kami ng practice para sa Praise&Worship. Marami akong natutunan sa Sermon ng Pastor namin ngayon. Isa na dito ay huwag maging Immature na Cristiano. Sa aming testimony, nakalulungkot dahil patay na ang lola ng aming Pastor. Ngunit nananatili parin siyang malakas dahil alam niyang ang kanyang lola ay nasa piling na ng Diyos. Pagkatapos ng aming sunday worship ay ipinagdiwang namin ang kaarawan ng isa sa mga mahahalagang tao sa buhay ko. Siya si Mommy Jhe. 19 taong gulang na siya. Isa siya sa mga youth leader namin sa simbahan. Salamat sa Diyos sa panibago niyang buhay.

Damang dama ko na ang Paskooooo :) Hohohoho :D

Disyembre 14, 2013 (Sabado)
 Isang mapagpalang araw na naman :) Gumising ako ng maaga upang gawin ko ang proyekto ko sa Values dahil paniguradong hindi ko na naman ito maasikaso. Hindi ko inaasahan na ang aking bestfriend na si Monica ay pupunta sa bahay. Habang nagchichismisan kami, ay sige ang linis ko ng bahay para multi-tasking ang galawan :D Hahaha. Pagkatapos nun, naligo na ako. Dahil Christmas party ng aming mga Children sa simbahan. Nakakaexcite naman :) Nakakatuwa dahil sa aking pagdating ay ang masayang pagsalubong ng mga bata at ang tawag nila sa akin ng Teacher Erin. Nakakataba naman sa Puso <3 Uhhh. Nakalimutan ko at ako pala ang Master of Ceremony ngayon. Haha. Napakaraming bata ang pumunta ngayon . Sila ang aming mga estudyante sa Josefina at Kamias II. Kasama rin ng iba ang kanilang mga magulang. Umawit myna at nanalangin ang mga bata bago ang mga palaro. Lahat ay aktibong sumali sa Mga Relay, Bible infomation Contest, Putukan ng lobo at marami pang iba. Pagkatapos niyo ay binigyan na namin sila ng pagkain at Give aways :) Nakaktuwa dahil nakapagdulot kami ng ksaiyahan sa mga batang ito sa munting paraan.

Pagkatapos ko na ummatend sa party ay dumiretso ako sa Francisville. Christmas party din kasi namin sa YWAM o Youth with A Mission. Kahit pagod, ok lang din dahil nais kong makahabol sa aming party. Hahaha. Late na kami ni Jahaziel ng Isang oras. Pagdating namin sa venue, Nagppray na sila. Mabuti naman ay umabot pa. Ayun ! pagkatapos ay nagkaroon kami ng Picture kami sa aming mga leaders na Missionaries. At pagkatapos niyo ay nagkainan kami. Binigyan din kami ni Ate Juliet ng Journal notebook at Ballpen upang isulat namin dun ang mga natututunan namin sa tuwing binabasa namin ang bibliya. Nakakatuwa dahil mahilig akong magsulat at magbasa. Lahat kami ay masaya ngayong araw :D Salamat Lord :)

Kala nyo tapos na nuh ? Hahha . Ang damimg nangyari sa araw na ito. Hindi nga ako busy diba ? hahhah. Salamat naman at nakauwi nadin ng bahay. Natutuwa ako sa bagong tutang ibinigay sa amin. Ang taba at mukhang maamo ang mukha. Nakakapawi ng pagod. Ibinigay si Ern sa amin kahapon. Ern ang pangalan niya. Oh diba? Parang ERIN Lang. pero tinanggal yung letrang "I". kaya Ern Hahaha. :) Selfie muna kami Ang cute nya kasi . Oh ayan na :)

Bagama't pagod. Salamat kay Lord dahil siya yung nagbibigay sa akin ng lakas araw- araw. Ako'y mapalad dahil isa ako sa mga kabataang nakararanas ng kabutihan niya sa Araw-araw. Ayun Lang ! Ang daldal kooooo :))))

Tagumpay kasama si Nanay at Tatay :)

Disyembre 13, 2013
 Isang panibagong araw na naman :) Oras na ng Filipino . Isa sa mga paborito kong asignatura. Dahil na rin siguro sa aming kwelang guro na si Gng. Mixto. Pinagdala niya kami ng makulay na papel. Bakit Kaya ? Hahhaha. Magsusulat kami ngayon ng aming pagsasabuhay sa akdang "Kinagisnang balon ni Cristobal Cruz." Ang aming paksa ay kung ano ang gagawin namin upang kami'y makapagtatapos ng pag-aaral. Paano nga ba? Mukhang masyadong madrama ang aking naisulat sa aking makulay na papel. Pero sa tingin ko'y tama naman :D Haha. Dapat sundin ang mga magulang at magkaroon ng takot sa Diyos palagi. Dahil kung nasa pamantayan ko iyon, Hindi ako malilihis ng landas. Magiging simula ako ng pagbabago sa ating bansa at makatutulong pa ako hindi lamang sa aking pamilya kundi sa ibang tao na rin. :)) Ayun lang . at masyado ata ang exposure ko ngayon dahil ang daming naghahanap sa akin Kaliwa't kanan. Huweee ? Sikat? ganun ? hahhaha :) Bagama't abala, Keri naman at masaya parin at nagawa ko parin ang pinapasulat ni Gng. Mixto. Yun ang maghalaga . LALALALALA :D

Sundin mo si nanay, sundin mo si tatay .. LALALLALA :)

Disyembre 12, 2013
 Ngayon ay ipinagpatuloy namin ang di natapos na pangkatang gawain kahapon. Tinalakay namin ang teorya ng akda. Ito ay teoryang dekonstruksyon. Nalaman namin ang tunay na kahulugan ng akda dahil sa teorya nito.Natutunan namin na dapat sumunod sa mga magulang at huwag madaliin ang lahat ng bagay .

Hohoho :) Disyembre na ho :D

Disyembre 6, 2013
 Ngayong natapos na naming pag-aralan ang akdang "Banyaga ni Liwayway Arceo", nagkaroon kami ng sulatin. Para sa mga babae, Isusulat namin ang mga bagay na dapat naming gawin uapang makapagtapos kami ng aming pag-aaral . at para naman sa mga lalaki,  isusulat nila ang mga bagay na gagawin nila upang bigyan ng galang at respeto ang mga kababaihan.

Disyembre 7, 2013 (Sabado)
 Ngayon ay masaya ako dahil sa desisyong nagawa ko. Gusto ko talang sumama sa overnight Camping/ Leadership training kagabi. Ngunit naisip ko na kulang sa mga teachers sa aming simbahan ngayon. Walang magtuturo sa mga bata. Kaya napakasarap sa pakiramdam dahil maraming bata ang pumunta ngayon at excited sila na matututo para sa araw na ito. Nakakataba sa pusong tatawagibn ka nilang "Teacher Erin" at magmamano pa sila sa'yo bago sila umuwi. Matapos iyon, Naglagay kami ng mga Christmas decoratin sa aming simbahan. Msaya ako ngayon dahil nakakagawa ako ng makakabuluhang bagay :)))

Disyembre 8, 2013 (Linggo)
 Salamat Lord sa panibagong araw ! Haaayyyy :) Ngayon ay aking araw ng pagbibigay papuri sa Panginoon. Nakakalungkot lang dahil hindi ko kasama ang aking mga magulang sa pagsisimba. ang lagi kong panalangin na sana, Balang araw, sa bakanteng upuang ito , Dito uupo si Mama, si Daddy at ang Lola ko. hindi ako Nawawalan ng pag-asa na balang araw makakasama ko rin sila :) Nakakayuwa dahil unang beses kong tutugtog ng keyboard ngayon sa aming simbahan. Nakatutuwang isipin na ang talentong ibinigay sa aking ay ibinabalik ko sa Diyos :)

Disyembre 9, 2013
 Lunes na naman ! :) Hahaha. Nakapagtataka at wala si Gng. Mixto ngayon . Hindi buo ang araw ng III-Diamond dahil walang laughing moments. Haha :D Ngayon, si G. Mixto ang nagbantay sa amin at nagpaskil siya ng gawain. Ito ay tingkol na sa aming Huling akdang tatalakayin. Ang "Kinagisnang balon."

Disyembre 10, 2013
 Bakit ang duga? Kung kelan Filipino na tska mag-uuwian? Hahah. ayan tuloy, Umuwi na kami dahil shorten period lang daw. Hindi umabot ang oras para mataps namin ang Filipino subject . -.- Bat Ganun ? :D

Disyembre 11, 2013
 Ayun . balik sa dating oras! Mabuti naman . Nagkaroon ng pag-uualat ang pangkat dalawa tungkol sa akdang "Kinagisnang balon ni Cristobal Cruz." Matapos iyon, nagpaskil sa Gng. Mixto ng ilang mga larawang kaugnay sa akda. Matapos iyon ay nagkaroon kami ng pangkatang gawain. Ngunit dahil kulang sa Oras, ipagpapatuloy na lamang namin ito bukas :)

Nalate na po ng Post . :) Sorrrrry :3

Disyembre 4, 2013

 Ngayong araw na ito ay tinalakay namin ang teoryang nakapaloob sa akda. Matapos ng mahabang talakayan ukol dito ay nagkaroon kami ng pangkatang gawain. Ngunit ito ay aming ipapakita bukas pa dahil kulang na ang oras.

Disyembre 5, 2013

 Ngayon ay ipinakita namin ang iba't-ibang paraan ng aming pag-uulat. Ang bawat grupo ay inatasan sa ibang gawain. Naging maayos naman ang pag-uulat ng bawat pangkat kaya ibinigay ng aming guro ang karampatang puntos. Ngayon ay mas ipinaliwanag pa ng aming guro ang akdang "Banyaga". 

Hindi naman ako nagpapatawa.. Bakit masayang masaya kayo ? XD

Disyembre 4, 2013

 Ngayon ay ibinalik sa amin ang aming mga Portfolio sa Filipino. Muli naming tinignan ang ipinagawa ni Gng. Mixto sa amin kahapon. Binigyang kahulugan namin ang mga salitang may inuulit na pantig sa mga bahagi ng akda. Sa aming pagbibigay kahulugan nito, marami sa amin ang sobrang saya at tawa ng tawa dahil nagpapatawa ang aming guro ngunit sabi niya'y hindi naman siya nagpapatawa. sadyang masaya lang talaga kami :) Matapos ng mahabang tawanan ay nalaman din namin na ang teorya nito ay teoryang Feminismo. bukas ay malalaman namin kung bakit ito ang teorya nito. Binigyan din kami ng aming guro ng takdang aralin na Gumupit ng larawan ng mga babaeng nagtagumpay. 

Hindi ako marunong magEnglish.. Actually :)

Disyembre 2, 2013

 Ngayon ay ang umpisa ng ikaanim na aralin. "Banyaga ni Liwayway Arceo". Bago namin umpisahan ang talakayan ay nagpaskil muna ang aming guro ng iba't ibang larawan ng mga personalidad. Kinilala namin sila isa isa at sinabi ang kanilang mga katangian. Binasa ng aking kamag-aral na si Provido ang akda at naghanda ng mga katanungan si Ma'am. Naitanong niya rin sa amin kung paano nagiging dayuhan sa sariling bayan ang mga Pilipino. Ang aming paksa ay bahgyang naiba dahil sa ang ingay ng aming klasegawa ng nagkkwentuhan ang iba. Dahil ito sa tanong ni Gng. Mixto tungkol sa mga Korean at ang mga kabataan sa ngayon ay hindi na kilala masyado ang wikang Filipino at mas madalas ng ginagamit ang wikang Ingles. Kung kaya nasabi rin ni Gng. Mixto ang "Hindi ako marunong magEnglish.. Actually :)"